08月15日 後佔中第243天
順時序記錄
《2017一定要得》 電視播5000次
【明報專訊】政改討論期間，政府宣傳攻勢可以話鋪天蓋地，相信即使過咗幾個月，大家都仲會記得「2017一定要得」呢啲口號。公民黨毛孟靜近排收到政制及內地事務局回覆政改宣傳開支數字，原來單係2017一定要得條短片，就喺5間電視台共播放5238次！
Miss Mo喺6月曾經兩次問政制局追問政改宣傳開支資料，當局都拒絕公開，後來Miss Mo向申訴專員投訴當局行政失當，政制局突然就回覆話「經進一步考慮相關法律意見」，會提供政改方案公布後政改嘅相關宣傳開支。政府提供嘅資料，印製宣傳單張同海報就用咗41.5萬；設計、製作宣傳片、聲帶就用咗超過80萬，喺巴士、港鐵發放宣傳嘅費用更高達300萬。
喺4月22日至6月18日期間，《2017：一定要得！》嘅宣傳短片，喺5個電視台播咗5238次，當中以有線電視播得最多，一共1508次；至於喺5個電台播放聲帶數目，亦多達4590次。
Miss Mo話綜合之前嘅財委會文件，相信政府用喺政改諮詢工作上嘅開支差不多要2500萬元，佢批評政府用巨額公帑做大龍鳳，最終都係得8票支持，係浪費公帑。
沒有留言:
張貼留言