2015年6月7日 星期日

熱玩香港10個室內遊樂場





熱玩香港10個室內遊樂場


放假來來去去都是行街、睇戲、食飯,再不就是行山、BBQ,似乎沒有其他活動可做,其實香港有很多室內遊樂場適合一家大小、一班朋友一起大玩特玩,夏天天氣熱,到這些有冷氣的室內遊樂場,不怕中暑又可以動動身體,仲唔約埋親朋戚友一齊去玩?
dl1
愉景灣隱世高空繩網陣
到愉景灣不一定是吃飯、參加婚禮,那兒有個室內遊樂場,絕對值得一去!歷奇王國面積達一萬四千呎,目測樓底至少有四層樓高,即使是室內都好寬敞!場內有迷你哥爾夫球、彈床、迷宮陣等,較刺激的有攀石及三十米長滑梯,雖然不是甚麼新玩意,但場內設施算比較刺激過癮,而且大人小朋友都啱玩,玩足全日都唔夠喉!
呢個全港獨有的Air Trek,在離地約五米高的空中玩,真係一步一驚心!
呢個全港獨有的Air Trek,在離地約五米高的空中玩,真係一步一驚心!
高空俯瞰遊戲室全景,要穿越幾個高空鐵塔,必須穿越繩網陣,細膽鬼真係會腳仔軟!
高空俯瞰遊戲室全景,要穿越幾個高空鐵塔,必須穿越繩網陣,細膽鬼真係會腳仔軟!
在有專業教練在旁指導,而且吊晒「威吔」戴埋頭盔先上去,非常安全。
在有專業教練在旁指導,而且吊晒「威吔」戴埋頭盔先上去,非常安全。
全場重點玩樂設施必定是Air Trek,在約五米高的鋼塔中穿梭,要過五關斬六將先到終點,猶如在玩高空繩網歷奇。雖然高度約兩層樓,但有安全裝備及專業導師帶領前行,絕對萬無一失。由於始終有一定危險性,所以小朋友最少要夠一米四五先可以玩!價錢方面亦算合理,閒日前來,不需百五元已包同行大人及小朋友全日任玩,而且場內有多個哥哥、姐姐睇住小朋友,絕對唔怕小朋友會受傷,唔打算玩嘅家長,大可以放心睇書或者休息!
小朋友最啱玩都係波波噴泉;長滑梯好玩過癮,但提提大家唔好着過短嘅褲玩,否則會擦傷屁股!
小朋友最啱玩都係波波噴泉;長滑梯好玩過癮,但提提大家唔好着過短嘅褲玩,否則會擦傷屁股!
小朋友最愛的迷宮陣
小朋友最愛的迷宮陣
彈床大人細路都啱玩;進階版攀石牆適合六歲以上小朋友,有自動減速扣,冇人幫手拉都夠安全。
彈床大人細路都啱玩;進階版攀石牆適合六歲以上小朋友,有自動減速扣,冇人幫手拉都夠安全。
Discovery Land歷奇王國
地點:大嶼山北愉景灣海澄湖畔路96號地下G31號舖
時間:9:30am -7:30pm(周一至周四)、9:30am -8pm(周五、六及公眾假期前夕)、9am-7:30pm(周日)
電話:2441 0098
收費:12歲以下小童及家長$148
13歲以上$168(周一至周五,全日任玩)
12歲以下小童及家長$188,
13歲以上$200(周末及公眾假期,全日任玩)

b1
桌球都可以用腳踢
5月才正式開張的BALL ROOM,主打在歐美超大熱的新興運動-桌上足球(POOLSOCCER),是香港首個引入此運動的室內場地。桌上足球意思即是將美式桌球(Pool)與足球(Soccer)結合,在3米×6米的「草皮波枱」上,唔用Que用腳踢球入洞,連小朋友都識玩!桌上足球可以用的技巧與真正的足球差不多,用腳尖、腳背、頭頂都得,不過特製的足球,彈力十足,踢時要控制力度,再配合角度、位置,絕對考個人技術,即使踢開足球或打開桌球﹐,都唔一定玩得叻。
頭頂、腳踢一樣得。
頭頂、腳踢一樣得。
桌上足球根據美式桌球,可選擇個人或隊制比賽,有兩種玩法,一種是將印上不同數字的足球順序踢入洞,最後將黑色球清袋便是贏家;另一種是兩隊鬥快入哂間條/全色球,最後將黑色球清袋便為之勝利。場內除了桌上足球,還有其他玩樂設施如美式桌球、桌上冰壺、board games等。
隊制賽時,一位隊員開球後,其他隊員可在球未停定時「補腳」,以改變球的方向或球速,增加一腳入洞的機會!
隊制賽時,一位隊員開球後,其他隊員可在球未停定時「補腳」,以改變球的方向或球速,增加一腳入洞的機會!
桌上沙壺亦是場內重點推介
桌上沙壺亦是場內重點推介
BALL ROOM
地點:觀塘興業街14號永興工業大廈12/F C1室
時間:12:00nn-12:00mn
收費:成人$35/小時;六歲以下小童$20/小時(人頭費),包場內其他玩樂設施如美式桌球、桌上冰壺、board games及每小時飲品乙包等。POOLSOCCER另外收費,體驗價$100/小時,由6月起正價$150/小時,參與人數不限。
查詢:5405 4594

沙地版射龍門遊戲都唔錯,有啲似射九官格,但筆者卻百思不得其解為何龍門要吹氣。
沙地版射龍門遊戲都唔錯,有啲似射九官格,但筆者卻百思不得其解為何龍門要吹氣。
九十後開場玩泥沙
位於工廈的香港室內沙灘,逾三千多呎,由九十後老闆揼本打造,以人工沙池為賣點的派對及玩樂場地,參考台灣做法變奏出港產「迷你」版。其三間獨立派對房尚算企理,而場中焦點的沙池上,設置有幾個「頂天花」的吹氣遊戲,主要是互打及擊球等類型。此外,當然唔少得hit 爆的泡泡足球,遲吓仲話會引入弓箭遊戲,沙地版本應該效果唔差!老闆話沙地唔怕污糟,每兩日用雙氧水消毒和紫外光殺菌咁話。相信場地應可吸引喜歡只玩泥沙而不見海天的朋友吧!
整個室內佔地三千多呎,沙池佔大半個場,大家可以赤腳喪玩,有沖涼房俾大家清潔。
整個室內佔地三千多呎,沙池佔大半個場,大家可以赤腳喪玩,有沖涼房俾大家清潔。
場內有個吹氣棒球,為大家安全起見及更易玩,轉用球拍效果更佳。
場內有個吹氣棒球,為大家安全起見及更易玩,轉用球拍效果更佳。
在彈床上手執吹氣棒格鬥,扑中頭應該唔會受傷,但樓底不高,跳高即撼,戴定頭盔穩陣。
在彈床上手執吹氣棒格鬥,扑中頭應該唔會受傷,但樓底不高,跳高即撼,戴定頭盔穩陣。
捲起吹氣裝置就可以變身成為沙地足球場,玩泡泡足球就可以更放肆地撞。
捲起吹氣裝置就可以變身成為沙地足球場,玩泡泡足球就可以更放肆地撞。
逃出沙地後,來到室內的派對房間,吹陣陣海洋風,乾淨企理。
逃出沙地後,來到室內的派對房間,吹陣陣海洋風,乾淨企理。
香港室內沙灘
地點:觀塘開源道77號業發工業大廈一期6樓D室
收費:$2,688/1小時(6至16人泡泡足球),$3,188/1小時(6至12人弓箭遊戲)
查詢:9819 1444
備註:另有派對包場套餐及吹氣設施出租。


萬八呎室內彈床館
在電影內見到演員輕功、飛簷走壁的彈跳畫面,總會幻想自己有日都可以咁跳來跳去,依家有機會了!美國有十四間彈床樂園的RYZE,首次衝出海外,在香港經營佔地萬八呎室內彈床樂園,是繼新加坡後亞洲第二個!入場登記之後,即可到後面的廣闊彈床區,任跳都唔嬲,除了一格格的彈床之外,場內亦有配合彈床一齊玩的閃避球區、入樽區等,將以前覺得遙不可及的高空,跳兩跳就可以觸碰得到!
強力橡筋橋最考驗平衡力,害怕的話天花板有繩子幫助你平衡。
強力橡筋橋最考驗平衡力,害怕的話天花板有繩子幫助你平衡。
在平衡橡筋隔籬有一個彈床跳台,仿似跳水般直接飛身去海綿吧!
在平衡橡筋隔籬有一個彈床跳台,仿似跳水般直接飛身去海綿吧!
今次Ryze 選址市區,交通方便而且室內又唔使日曬雨淋。但不要小看跳彈床的運動量,我們大人小朋友一行五人,跳足一小時已經汗流浹背,官方話連續玩彈床一小時可燃燒一千卡路里,而且樂園表示未來更會推出彈床健身班,彈住減肥亦得,夠晒健康好玩!不過建議小朋友玩彈床之前要做熱身運動,特別是下身部分,如果唔係跳來跳去好容易扭傷,而且場內冷氣都幾勁,建議大家先帶定外套保暖,玩到熱先除衫。
場內有一個正規的籃球架,自己嘗試利用彈床入樽;斜台除了是彈床外亦可以做滑梯。
場內有一個正規的籃球架,自己嘗試利用彈床入樽;斜台除了是彈床外亦可以做滑梯。
在彈床跳多幾下,增加彈跳力,一跳可以掂到沙包,簡單又可以挑戰自己;場內有不同用品供借用,例如滑浪板在彈床上做不同的滑浪騰空動作。
在彈床跳多幾下,增加彈跳力,一跳可以掂到沙包,簡單又可以挑戰自己;場內有不同用品供借用,例如滑浪板在彈床上做不同的滑浪騰空動作。
轉體翻騰高階動作
入場跳咗一陣熱身後,在R y z e 場內周圍有職員落場當值,除保障大家安全之外,你都可以向他們請教一招半式,例如在彈床跳起前後空翻,在練習池轉體兩周半落水都得,又有趣。除此之外,場內亦有好多不同裝置,幫助大家在跳彈床的同時增添趣味,好似天花板有一個長條型沙包,你可以考驗一下利用彈床的彈跳力,跳高掂到沙包甚至捉住懸掛在空中,夠晒刺激!
j06
在練習池簡單啲可以嘗試下前後空翻落水,或者轉體翻騰兩周半都得。唔使下下都在同一格彈床跳,可以打個側身空翻,跳去隔籬彈床,有型嘛?
RYZE Ultimate Trampoline Park
地點:北角渣華道321號3樓
時間:10am-10pm
收費:$125(成人一小時)、$200(成人兩小時)、$95(六歲以下小童)
查詢:2337 8191

jet3
周末吸引不少家長帶同小朋友到場體驗模擬賽車。
周末吸引不少家長帶同小朋友到場體驗模擬賽車。
衝上雲霄極速飄移話咁易
不論年紀大小的男性都愛打機,尤其是駕駛賽車及飛機的遊戲,但在家玩遊戲總覺得臨場感欠奉,那Jetone Motion的模擬實境遊戲一定啱你,其採用最先進的動態模擬器,配合巨型LED顯示屏,由揸飛機、賽車到玩過山車及射擊,感覺都十分迫真。透過模擬飛行遊戲,不單可以學到基本飛行控制技術,如飛行操作、起飛及降落程序等,同時可以看懂飛行儀器,如天氣、風勢等;至於模擬賽車,採用動感駕駛座椅,並具備2G加速效果及三軸移動功能,能真實體驗路上每個起伏及彎位,以及感受超迫真的G-Force及撞擊感覺。除了模擬飛行及賽車,場內還有過山車及射擊等虛擬遊戲,大人細路都一樣啱玩。
影像超迫真,猶如真正的駕駛艙。
影像超迫真,猶如真正的駕駛艙。
如果唔敢玩過山車嘅人可以體驗下呢個虛擬過山車遊戲,但玩完可能肯定以後都唔玩過山車,因為感覺太迫真!
如果唔敢玩過山車嘅人可以體驗下呢個虛擬過山車遊戲,但玩完可能肯定以後都唔玩過山車,因為感覺太迫真!
屏幕勁大、畫面勁靚,咁樣玩射擊遊戲正過喺屋企同一般機舖。
屏幕勁大、畫面勁靚,咁樣玩射擊遊戲正過喺屋企同一般機舖。
JetOne Motion
地點:中環德己立街 1-13號世紀廣場 14/F 1405室
時間:11am-10pm(星期一至六);11am-7pm(星期日及公眾假期)
收費:分繁忙及非繁忙時段;會員制及非會員制
模擬飛行:非繁忙時段(60分鐘:會員$980/非會員$1180;90分鐘:會員$1320/非會員$1770);繁忙時段(60分鐘:會員$1180/非會員$1380;90分鐘:會員$1580/非會員$2070)
模擬賽車:非繁忙時段(30分鐘:會員$380/非會員$480;60分鐘:會員$680/非會員$880);繁忙時段(30分鐘:會員$480/非會員$580;60分鐘:會員$880/非會員$1080)
虛擬射擊遊戲:(60分鐘:會員$320/非會員$450;90分鐘:會員$400/非會員$600)
虛擬過山車:(15分鐘:會員$120/非會員$180;30分鐘:會員$180/非會員$280)
電話:25062130


亂撞唔痛癲喪足球
泡泡足球不算新鮮,但在鐵籠足球場踢波你又試過未?叫得足球,玩法仍是入波為勝,但落到場踢波變其次,一字曰:「撞」為實!籠內由四人困獸鬥至八人對戰,冇界線、冇球證,為入波可名正言順衝擊對方!但係撞到飛身彈開都唔會頭破血流,皆因個泡泡保護性極高,猶如慈母一樣包到你實一實!同時亦因為有成十磅重,背住泡泡跑來跑去,玩兩分鐘都已經索晒氣,相信冇咩人可以咁好體力玩到尾!
穿入泡泡都有技巧,踎低由下而上,先穿過背帶再捉住手柄就點撞都唔會甩。
穿入泡泡都有技巧,踎低由下而上,先穿過背帶再捉住手柄就點撞都唔會甩。
穿起不同顏色的泡泡,二對二開打!
穿起不同顏色的泡泡,二對二開打!
直租室內場更方便
由於活動沒有技術可言,大家好都好快進入忘我境界,所以有不少團體組織如公司學校等組團參戰。目前市價約兩千多就可租玩一小時,如果一大班人輪流玩,人均都係一百幾十蚊就夠消磨幾個鐘,所以近期極受年輕人歡迎!而市面上的機構,一般都需要先租場,再由教練帶裝備去室內或室外地點玩,場地條件限制於人;而不少室內足球場亦食正條水,自家買入泡泡裝備,直接在主場租俾客玩,咁唔使驚book唔到場啦!
泡泡頂端有凹位,俾人撞過龍的話有機會做出倒立效果!
泡泡頂端有凹位,俾人撞過龍的話有機會做出倒立效果!
泡泡足球@鐵籠足球
地點:荃灣馬角街8-12號新豐工業大廈1樓02室
價錢:$2,000/小時、$3,000/兩小時、$4,000/三小時
查詢:6339 9266 / 6500 4230
備註:包裝備、場地及教練費,不限人數。
除咗踢波之外,仲可以玩無敵風火輪,睇吓邊個死士夠膽入去俾人碌!
除咗踢波之外,仲可以玩無敵風火輪,睇吓邊個死士夠膽入去俾人碌!
其他泡泡足球推介
Space bubble soccer
地點:灣仔堅尼地道112號聖雅各福群會(常用場地)
價錢:$2,900/2小時(已包場地及裝備)
查詢:6130 6103 / 9551 1821
泡泡足球-香港
地點:牛頭角鴻圖道12號精棉工業大廈12樓
價錢:$2,600/小時(此價格為基本消費,不同泡泡價格有別)
查詢:5530 2946
Bubble Soccer HK
地點:香港仔黃竹坑42號利美中心5樓hyperspace
價錢:$2,500/小時、$4,000/2小時、$5,500/3小時
查詢:3462 3318
Bubble Biddies泡泡香港人
地點:荃灣馬角街8-12號新豐工業大廈(跟鐵籠足球合作)
價錢: $2,500/小時(加2小時$1,500、加3小時$1,000,新客戶2小時以上全單九折。)
查詢:9559 7172 / 9874 9089
Bumperball@Bumperman
地點:觀塘鴻圖道47號嘉鴻中心一樓(跟Master5 競技場合作)
價錢:$2,430起/小時、$3,740起/2小時(周一至周五),$2,980起/小時、$4,680起/2小時(周六、日及公眾假期)
查詢:54961626
Bubble Football Hong Kong
地點:觀塘觀塘道398-402號嘉域大廈六樓(跟飛龍球場合作)
價錢:$2,700/小時、$4,200/2小時、$5,500/3小時
查詢:9666 0869

dark2
有意義的摸黑體驗
「黑暗中對話」 Dialogue in the Dark是一個起源自德國的社會企業,為大眾提供與別不同的體驗活動,手握白杖、眼睛閉上,耳朵聽著專業導賞員的聲音進入黑暗世界,在伸手不見五指的環境下,重新感受聲音、味道、溫度。黑暗中對話有一系列為不同人士而設的活動,包括暗中生日會和暗中夜宴等,讓大家暗中作樂,暗中學習。
dark1
特別推介其中一個特別適合一家大小參與的節目-「愛家樂」,一家人將身處完全黑暗的環境,導賞員將會帶領大家於黑暗中穿梭不同的場景,並讓各參加者在不依靠視力的情況下,共同探索,發掘並體驗視力以外的感觀,活動中加入了很多新奇的合作元素,如暗中寫信等,讓一家人嘗試以心代眼,一同發揮互助精神,享受暗中寫作的樂趣。整個旅程除可增進家人之間的溝通,拉緊彼此的距離外,更可讓參加者設身處地體驗失去視覺的境況,是一個非常值得家長帶小朋友去體驗及經歷的活動。
活動時間:75分鍾
費用:成人$220,學生(全日制) / 長者(60歲或以上)$120
日期及時間:致電預約
dark3
Dialogue in the Dark
地點:九龍美孚景荔徑8號盈暉家居城2樓215室
時間:10am-7:30pm (逢星期一休館)
收費:平日(星期二至星期五)成人:$130/全日制學生或十八歲以下及六十歲或以上長者$65
假日(星期六、日及公眾假期)成人: $160/ 全日制學生或十八歲以下及六十歲或以上長者$80
查詢:2310 0833

c2
真實賽車體驗
呢間賽車俱樂部,細細間店內有十五部模擬賽車機,唔好以為同平常賽車遊戲機一樣,呢十五部模擬駕駛的賽車機是專業賽車手訓練用機,無論是操作或者反應都同真實駕駛賽車一樣,而且毋須十八歲有車牌,十歲以上夠身高就可以玩得,可以一次十五機連接起來作賽,同朋友較量一下駕駛技術。
坐進仿照真實F1方程式賽車的模擬駕駛艙內,穿上賽車外套,十足落場賽車一樣。
坐進仿照真實F1方程式賽車的模擬駕駛艙內,穿上賽車外套,十足落場賽車一樣。
負責人Todd 會細心和大家講解駕駛技巧。
負責人Todd 會細心和大家講解駕駛技巧。
玩一陣亦可以和朋友坐在吧台上休息一下,聊天放鬆。
玩一陣亦可以和朋友坐在吧台上休息一下,聊天放鬆。
Sideways Driving Club
地點:中環贊善里1-2號LG/F
時間:12nn-8pm
收費:$300(一小時)
查詢:2523 0983


百步穿楊亂箭橫飛
由美國Archery Tag授權的Crossfire Archery,棄槍取弓打war game,玩法同裝備跟足原版,弓弦已大減至只有廿六磅拉力,加上箭頭加有厚厚海綿,就算中箭唔會痛!玩法為每邊四至五人於五分鐘內殺盡對手,或射穿對方陣地前方的五圈箭靶就為勝出!遊戲一開始就要衝出去安全區內執裝備,之後回到各自後方的吹氣障礙物作屏障作戰,亂箭橫飛,必須不停走動才能保命!而最好玩之處係可以復活!用手接着敵隊射出的箭,或射穿任何箭靶,復活者就可以「死先」的次序重投入箭場作戰,過癮!
教練先作簡單講解,教大家正確姿勢及技巧就可以正式開始。
教練先作簡單講解,教大家正確姿勢及技巧就可以正式開始。
一般右撇子正確姿勢,先左手水平伸直持弓,頭向左望瞄,加手拉弓,永遠以左側面向目標。
一般右撇子正確姿勢,先左手水平伸直持弓,頭向左望瞄,加手拉弓,永遠以左側面向目標。
對戰規模豐儉由人
另一間的Awesomer專幫人搞遊戲活動,其弓箭war game亦有來頭,仲有開班教埋小朋友玩正式射箭SAFE Archery,今次亦引入美國專利的第三代安全箭Archery Tag,加入箭團!玩法其實大同小異,但特別在其戰場規模可擴至更加大,由一般組團由九人起至三十四人,如人多特別要求更可誇張到在六千呎室內地方開戰,前後共四十把弓及十多個障礙物,每邊容納廿人互相對壘,好啱一大班老友大混戰呀!
咪以為可以一味死匿在吹氣裝置後擋箭,對手射中晒自己的標靶都會輸的。
咪以為可以一味死匿在吹氣裝置後擋箭,對手射中晒自己的標靶都會輸的。
去到安全區執箭雖然有免死金牌,但為免中箭都係動作要快!
去到安全區執箭雖然有免死金牌,但為免中箭都係動作要快!
Crossfire Archery 箭火香港
地點: 觀塘觀塘道398-402號號嘉域大廈6樓(主要跟飛龍球場合作)
價錢: $2,988/1.5小時(包場價)、$2,188至$2,588/1.5小時(不包場價,視乎地區而定)
查詢:9726 8238 / 9378 1875
備註:包場價已連基本裝備
小朋友如果怕對戰危險,Awesomer另有安全版本的SAFE Archery俾小朋友一試弓箭樂趣。
小朋友如果怕對戰危險,Awesomer另有安全版本的SAFE Archery俾小朋友一試弓箭樂趣。
Awesomer Archery
地點:視乎人數及客戶要求而安排
價錢: $3,000/2小時(9至12人)$4,500/2小時(15至20人)$6,120/2小時(24至34人)
查詢:9780 5804
備註:包場地及基本裝備
{"IPTC-DATA":"NMG","data":{"photoID":2216992}}
其他弓箭War Game推介
激箭獵人
地點:荃灣海盛路3號TML廣場25樓B6(跟Soccer360合作)
價錢:$3,000/ 小時、$4,500/2小時
查詢:6048 8028
Safe Archery Fun 激箭
地點: 荃灣海盛路3號TML廣場25樓B6(跟Soccer360合作)、
觀塘觀塘道398-402號嘉域大廈六樓(跟飛龍球場合作)
價錢:$3,000/ 小時、$4,500或$5,700/2小時(視乎場地而定)
查詢:6990 8312
Hunter@Bumperman
地點:觀塘鴻圖道47號嘉鴻中心一樓(跟Master5 競技場合作)
價錢: $2,430起/1小時、$3,740起/2小時(周一至周五)$2,980起/1小時、$5,180起/2小時(周六、日及公眾假期)
查詢:5496 1626

VAN
全個首個室內滑板場
滑板雖不是主流玩意,但依然有不少人追捧,近年更多了青少年參與,不過香港地方小,滑板場少之又少,隨便在街上玩又容易撞到人,這個位於觀塘工業區的室內滑板場就啱晒。Vans Sk85ive2佔地4,000平方呎,場地與VANS合作,請來美國專業板台workshop「CALIFORNLIA RAMP WORKS」主理,10呎樓底夠踩上高台轉體翻騰,可以任玩斜道、做花式,場內還有店舖,售賣滑板、配件、衫、帽及鞋。
VAN2
Vans Sk85ive2
地點:觀塘偉業街185號恆生工業大廈7樓D及E室
時間:11am-8pm(一至五);11am-6pm(六、日及公眾假期)
收費:$80/2小時
查詢:2344 3982

撰文:Heidi、林斌、李永釗
攝影:溫俊鏘、Clay Lam、黃大立


沒有留言:

張貼留言