【銅鑼灣】 羅麥記

羅麥記
地址： 銅鑼灣軒尼詩道500號希慎廣場14樓1402號舖
電話：2601 2382
營業時間：11am-11pm
付款方式：現金及一般信用卡，免收加一
前往方法：港鐵銅鑼灣站F 出口

【銅鑼灣】 羅麥記

卡位和枱凳都是懷舊風格；牆身寫上餐廳概念，驟眼看似曾灶財的塗鴉。

牆上掛滿五六十年代廣告的復刻版。

近年流行食厚多士，一般將幾吋厚的麵包磚挖空心，再釀入烘多士、雪糕和生果等甜食，不過早在兩年前，懷舊冰室「羅麥記」已創製一個鹹味版厚多士—— 磚頭焗飯，一樣將麵包磚挖空，釀入飯再焗香，食完飯再吃沾滿醬汁的麵包，有新意又飽肚；款式有豬扒飯、白汁芝士海鮮、滑蛋牛肉和咖喱軟殼蟹，充滿港式風味。

蝦多士，麵包搽上加入葱花的蝦膠，煎完再焗而非一般炸成， 外脆內軟唔油膩，點蛋黃醬食更香。$58（五件）

羅麥汁牛河，即帶辣的瑞士汁炒牛河，配以豆角，條條河粉都香濃又滑溜。$65

羅麥雞翼，普通瑞士雞翼得個甜字，加了辣椒變成自家羅麥雞翼，香辣帶甜，令人食唔停口。$53（五隻）

芝士波菜吞拿魚焗飯，西式風味焗飯之選，啖啖飯都有芝士香。$62

(左) 菠蘿粒粒冰，菠蘿冰內加入菠蘿汁冰粒， 比兒時的菠蘿香甜得多。$38 (右) 紅豆冰粒粒奶茶，奶茶配紅豆茸，再加上雪藏成冰粒的紅豆，就好似小時候常吃的紅豆雪條。$38

在今年4月開張的銅鑼灣分店內，一樣可以食到一系列地道港式美食，招牌菜磚頭焗飯、避風塘炒麵飯、紅豆冰粒粒奶茶之外，全新推出的水牛芝士炸雲吞、七彩銀針粉、七彩朱古力多士等，都是加入新元素的經典菜式，似曾相識又有新鮮感。餐廳以六七十年代冰室為概念，裝潢設計懷舊，好似時光倒流，充滿香港昔日情懷。

磚頭焗豬扒飯，必食招牌菜，麵包磚挖空心，裝住豬扒飯，再焗香，非常飽肚。$82

七彩銀針粉，懷舊銀針粉配搭青紅黃椒、蛋絲、芽菜等炒成，必食新菜式。$60

(左) 水牛芝士炸雲吞，雲吞內包住水牛芝士，炸後芝士半溶，芝味清香又帶煙韌，這改良版炸雲吞夠晒潮。$45 (右) 七彩朱古力多士，多士內餡有一層層朱古力漿，炸好後加上煉奶和朱古力豆，將舊式西多加入新元素。$35

避風塘炒麵﹐，避風塘系列首選，乾炒海鮮再加上脆炸蒜茸和辣椒，口感特別，香辣惹味。$65

水吧模仿舊時茶檔設計。

撰文：Heidi Lau
攝影：相關餐廳facebook、新假期