鹽田仔一日遊

西貢鹽田仔是一個幾近荒廢的小島村落，西貢鹽田仔一日遊，最適合喜歡探索隱世角度的山系潮人。郊遊通常都會見到祠廟，但鹽田仔卻只會見到教堂，原來這個隱世村落是香港天主教的發源地。

要到鹽田仔，就要在西貢碼頭乘搭街渡，星期六、日有定時街渡，碼頭附近應找到售票的攤檔(每位$30-$40)，如果平日前往或找不到的話，亦可以問問附近的船家開個價，船程只需10多分鐘。

離開碼頭，步入村莊，先會看到一間教堂：聖約瑟教堂。聖約瑟教堂來頭就勁喇，是聯合國，無錯，是聯合國頒發「文化遺產保護」優異獎的得獎教堂。香港難得有如此歷史價值，而又無被摌平起樓的地方，真是好值得拍多幾個照留念。

聖約瑟教堂的附近，是一間荒廢的學校，名為澄波學校，現在已經變為鹽田仔的文化資料展覽室，其實是一個鹽田仔博物館，展出農具、村民的家居用品等，將昔日鹽田仔村民的生活百態重現眼前。學校內部份課室的陳設仍然保留，讓遊人感受鹽田仔同學們的上課情況。

步出澄波學校，向左邊一直走，沿途經過客家村莊，就會到達鹽田仔另一地標「玉帶橋」，其實是一條連接滘西洲(有個高爾夫球場）的一道橋，橋的四周是廣闊的紅樹林，橋+紅樹林，時間啱的話，再加點日落微黃，如詩如畫的無敵影相位就形成了。

由「玉帶橋」回頭走，就向鹽田進發。鹽田仔的鹽田都荒廢了(果然是探秘之旅，所有嘢都係荒廢的)，現在只可以看看遺址，其實又是一片自然的紅樹林，睇住呀﹗彈塗魚、朝潮蟹同大家打招呼呀﹗

走回碼頭乘街渡回西貢，下場可以在西貢吃頓豐富海鮮餐，鹽田仔探秘之旅就此圓滿結束﹗

資料及圖片來源：鹽田仔網站及互聯網