6大工廈區新玩意

捐窿捐罅　6大 工廈區新玩意

天氣開始熱，一出街就開始流汗，唔想去戶外？不如留返喺室內啦！雖然小編認為，無咩好玩得過同小朋友接觸大自然，同陽光玩遊戲，不過日日咁曬，喺室內唞下都得掛！而家啲室內場大多喺工廈區，交通方便之餘仲非常多元化，射箭、踩單車、揸車、槍戰，甚至玩沙灘都得，今次一於同你捐窿捐罅，搵出 工廈區 6大新玩意！

室內射箭場　小朋友都玩得

去年5月才開幕的香港競技場，位處新蒲崗商貿區，佔地約2700平方呎，最矚目的是引入了美國大熱的Archery Tag 射箭運動，玩家需要組成兩隊，遊戲開始時衝到中間安全區域拎起弓與已換上發泡膠箭頭的箭然後開始攻防戰！玩法像弓箭配合閃避球規則，被箭射中就當輸，而且玩法千變萬化，有瞄靶，瞄人或鬥快淘汰對方，簡單易學，大人同小朋友都可以一齊玩！場內所用的箭頭採用了專利泡沬塑膠，射中亦完全不覺痛，小朋友就不用擔心安全問題啦！

為保障玩家安全，場地會提供頭盔及護手肘作保護。

箭頭加上專利泡沬塑膠，射中都唔覺痛。

女仔都可以有姿勢，有實際！

小朋友都有適合小朋友手形的弓箭！

另外，場內還有Bike Sprint Battle，單車裝在固定架上，單車前方有電腦屏幕，即時顯示單車路線、距離、風速等等。玩家要在既定時間內挑戰山路單車，不要看小這個遊戲，因為都幾索氣o架！

香港競技場

時間：10am-11pm
地址：香港九龍新蒲崗雙喜街17號富德工業大廈2樓C室
費用：一小時：會員價$99/位；非會員價$129/位
電話：39984215

YYYYYYYYYYYYYYYYYYYYYYYYYYYYYYYYY

佔地2400呎　10合1派對場地

最吸睛，一定係桌上足球！

室內多元化派對場地COMBO，年初才開幕，位於SOGO對面的樓上舖，佔地2400呎，同一般樓上的網吧等消遣場地好唔同，形象健康。COMBO 主打放學或者下班後能以一個入場費，即刻任玩場地內的多種玩樂設施，包括虛擬現實遊戲、桌球、桌上足球、飛鏢、乒乓球、賽車遊戲、私人影院、電動麻雀等，無論是和朋友上來玩樂一下或者包場搞派對都能應付，而且勝在遊戲多元化，一個價錢可以享受多種玩樂設施。

還有免費任玩的飛鏢機，和朋友較量眼界。

虛擬實景暫時有四個遊戲可以玩，當中最受歡迎當然是實景鬼屋，畫面隨着自己的第一身視野移動，模特兒都話唔敢玩。

COMBO 內有一間VIP 房間，大家可以包房享受裏面的設施，包括麻雀、桌上遊戲或者電影院等。

成張賽車椅俾你玩賽車遊戲，一於風馳電掣。

場內兩張桌球.，亦可變成乒乓球.。

電動麻雀機，有機器幫你洗牌，快手打多幾圈都得。

COMBO
時間：3pm-12mn（星期一至四）、12nn-12mn（星期五至日）
地點：銅鑼灣怡和街2-6英光大廈4樓
費用：$35/小時（學生）、$50/小時（成人）
查詢：2203 4277

下頁有：$98玩鐳射槍戰

YYYYYYYYYYYYYYYYYYYYYYYYYYYYYYYYY

迷宮設計　$98玩鐳射槍戰

想玩得刺激，去埋呢個鐳射槍戰基地LASERMADS，同樣是去年才開幕。場內以迷宮設計，最近加入全新的玩法，將鐳射槍戰加入不同的hightech元素，場地亦會將光線調暗，配搭鐳射槍同感應器的背心，感應器的顏色各有不同，猶如置身星球大戰內。全新的特工模式玩法是將大家分組，分別有九種顏色最多十二人一齊玩，可分二至六組對打，除了互相槍戰外，場內還會有不同的道具，要避過敵人的攻擊成功為自己的武器或防護升級，但要留意可能中途會出現隊友隨時變節，比之前的玩法刺激好多。

準備開戰！

每一支槍上都有屏幕，得到道具或槍之後會顯示出來，自己還可以更換不同攻擊力的高機能槍。

場內特定的位置不定時會有道具出現，要趁機會射擊拿取升級道具。

LASERMADS
時間：12nn-12mn
地點：銅鑼灣怡和街2-6號英光大廈11樓
時限：8分鐘備戰、講解，12分鐘實戰
費用： $98（1節）、$158（2節）；包場每小時$3,188（非繁忙時間）、$4,380（星期六、日、平日6:00pm後）
人數：場內同時最多12人
查詢：2343 3033

YYYYYYYYYYYYYYYYYYYYYYYYYYYYYYYYY

小型賽車場　卡丁飛車玩飄移

喺香港地想玩賽車，由於土地問題，幾乎係冇可能嘅事。不過，記者發現最近觀塘工廈有個小型賽車場，就攞正牌專玩電動卡丁車，更大玩飄移做噱頭，不論是否車友，聽到都心郁郁想試！駕駛技術唔使識，純粹要求有膽識，手拉飄移桿就「片」到個靚彎！

大家可以戴埋護膝及頭盔，咁就萬無一失啦。

無牌駕駛 飄移境界
其實呢個所謂賽車場，本身係賣卡丁車代理公司，由於需要地方試車，於是索性改埋工廈單位做賽車場，三千幾呎空間化身賽道。有大、中、細揀，平均時速20km，最普遍的中車最高負重都有成百四磅，如果自命大件頭的可俾多十蚊揀大車，最高負重更去到兩百四磅。

三千多呎的工廈單位，打造出一個五個彎位的賽道俾大家試車。

雖 然賽道唔算好長，幾十秒已經兜完一圈；但醉翁之意不在酒，因為打正旗號玩「飄移」，所以彎位夠多先係重點！賽道雖唔算迂迴曲折，但仍有五個彎位俾大家 「劈」住去。踩油、扭軚至入彎一刻，手執飄移桿一抽，兩隻後轆就會「解鎖」可轉360度，縱向移動的「飄移」就係咁易做到！由於「飄移」一刻需要左手單手 控制「軚盤」， 若操控唔好或「速度」太快，就有機會打白鴿轉呢！

由左起是加大版、細版及小朋友專用的迷你版，一般人用中間的細車已經夠玩。

由於卡丁車的軚盤圈數細，不論左右只要扭半圈，前轆已經可以180度， 所以轉彎時只需扭少少已足夠。

一拉起飄移桿，車底就會升高為後轆解鎖，兩隻後轆均可360度轉動。

飄移逐格睇

入彎前先微微扭軚向左轉，為偷位預先準備。

此時繼續踩油，立即扭右，進行窄角度轉向。

準備收一收油門，再次軚扭左，右手同時拉動一下飄移桿。

卡丁車後轆就會解鎖，縱向而行，此刻雙手放回軚盤上保持車身穩定。

完成「飄移」動作；重複第一個步驟，迎接下一個彎位。

縉泓科技有限公司
地點：觀塘開源道73-75號業及工業大廈二期9樓H 室
營業時間：12:30pm-12mn
費用：細車每5分鐘$40起
查詢：3428 5298

YYYYYYYYYYYYYYYYYYYYYYYYYYYYYYYYY

香港室內沙灘　Sand House

位於工廈的香港室內沙灘，逾三千多呎，由九十後老闆揼本打造，以人工沙池為賣點的派對及玩樂場地，參考台灣做法變奏出港產「迷你」版。其三間獨立派對房尚 算企理，而場中焦點的沙池上，設置有幾個「頂天花」的吹氣遊戲，主要是互打及擊球等類型。此外，當然唔少得hit 爆的泡泡足球，遲吓仲話會引入弓箭遊戲，沙地版本應該效果唔差！老闆話沙地唔怕污糟，每兩日用雙氧水消毒和紫外光殺菌咁話。相信場地應可吸引喜歡只玩泥沙 而不見海天的朋友吧！

除了「沙灘」，這裡還有很多充氣遊戲，啱晒小朋友玩。

極速障礙賽，全長9.6米，啱晒無時停的小朋友。

多人氣墊球，用噴氣口吹向球把球送入對方龍門。

香港室內沙灘
地點：觀塘開源道77號業發工業大廈一期6樓D室
收費：$2,688/1小時（6至16人泡泡足球），$3,188/1小時（6至12人弓箭遊戲）
查詢：9819 1444
備註：另有派對包場套餐及吹氣設施出租。

YYYYYYYYYYYYYYYYYYYYYYYYYYYYYYYYY

大樹孩子生活館　免費任玩木玩具

帶住小朋友去銅鑼灣，約咗人未夠鐘可以做咩好？不如去「大樹孩子生活館」！銅鑼灣鬧市的一個唐樓單位中，有一個木玩具空間—「大樹孩子生活館」，裏 面擺滿了質樸堅實的優質木製玩具，而且採用全開放式讓各位小朋友試玩，運用想像力，將本來平凡的木玩具變成有趣的東西，而且木玩具可買走，不如店裏先試玩，再考慮購買。

店內玩具以木為主，包括：

大樹孩子生活館

地點：銅鑼灣勿地臣街10號2樓
時間：1pm-8pm（星期一至五）、11am-8pm（星期六至日）
查詢：6112 8081

撰文：Fiona Fong
相：有關機構提供

http://www.sundaykiss.com/%E6%9C%80-hit-%E7%86%B1%E8%A9%B1/%E6%8D%90%E7%AA%BF%E6%8D%90%E7%BD%85%E3%80%806%E5%A4%A7%E5%B7%A5%E5%BB%88%E5%8D%80%E6%96%B0%E7%8E%A9%E6%84%8F/7/