在觀塘的隱身工廈裡,尋回台灣國小的小時光
四月 12th, 2015
相信每個人總有迷失既時候,筆者亦唔例外,坦白講,
係啲3個月有唸過不如唔好再更新,
因為失去左寫作既動力,但唸清楚之後,決定再次重新出發,
所以希望無論您係新讀者定已經有follow開既您地,
會繼續支持慢靈魂既慢活生活…..雖然會不定期更新
,但一定保證會比好地方您地去hea..去享受…..
好…..復出既第一篇會介紹一間位於工廠區仍然試業中既餐廳…..
講明試業中,所以唔想摸門釘, 一定要打電話去問下先….
講真,而家係工廠區既咖啡店已經十分多,要突圍而出,
一定要好比心機去裝修….
仲要做出自己既style 先得….
要知道筆者係一個台灣迷,如果您都係,啲間餐廳就岩晒啦….
餐廳叫做小時光……聽個名都知道,佢希望您地係度搵
番屬於您地既小時光….
佢地主要提供午餐、下午茶以及各式特色飲品。
營業時間暫時為12:00-18:00……
地址:觀塘興業街16-18號美興工業大廈第1期A&B座1樓C1室
電話:31882380….記住打左去問開唔開先…..
甘點去呢….觀塘港鐵站B1出口…..落橋後一直向前行,
直至見到麥當勞….
見到麥當勞代表到達興業街…..跟住左轉….
一路行直至見到啲個易拉架……
見到之後過對面馬路到美興工業大廈入口….
之後禁一字…..一出lift向右轉….登登登登…到達目的地啦……
門口已經好有old school feel…..
鋪面既面積都幾大…..用既全部都係學生枱同凳,
令您好似反番去細個個時咁…..
仲有好多漫畫書比大家睇下……….
啲度仲有好多特色小擺設…..總知,您帶相機一定無錯…….
啲度既擺設絕對唔求其,連輔導處都有…….
筆者更係唔執輸影番張……
除此之外…仲有鋼琴比大家扮下野…..我同朋友又扮下文靜先….
啲度既食物係有set既…..同埋係自助形式落單既,
價錢方面大概$45-$60
筆者叫左個牛肉飯,而朋友就叫左喇沙海鮮米粉……
佢其實包左杯coffee /tea…..
一場黎到……我地梗係加錢試下啲野飲……
野食賣相同味道都十分唔錯……
朋友叫左杯蘋果soda,筆者就叫左杯紫薯latte…..
一見到朋友個杯…不得了,用test tube黎裝……
啲枝野筆者化學堂都唔知打爛左幾多枝…..
我個杯就十分足料….好好味……
因為仲係試業中,人潮唔算太多,同朋友可以霸一張枱……
今日咁岩撞正落雨,就留左係度同朋友一路吹下水,影下相,
咁就渡過左一個relax saturday…….
大家不坊約埋三五知己,搵番屬於您地既慢活時光啦……
You can follow any responses to this entry through the RSS 2.0 feed.
You can leave a response, or trackback from your own site.
You can leave a response, or trackback from your own site.
沒有留言:
張貼留言