2015年1月7日 星期三

「民情報告」欠缺了最重要的一部分



「民情報告」欠缺了最重要的一部分


政府「民情報告」一出,以民主黨為首的泛民飯盒議員紛紛飛撲出來發表偉論。他們批評689政府沒有把港人「反對831人大決定」寫在報告內,而且表示極度憤怒,指報告結語的說法是「強姦民意」。 

見到呢一幕,我聯想到黃子華的金句︰「呢個世界上沒有王子,只有仆街,最憎就係嗰啲扮王子嘅仆街!」 

不過要改少少,喺而家殖民主派、左膠、大中華撚壟斷主流傳媒、教育界、社運圈,以及各級議會的香港,結果就如呢一句說話︰「呢個膠港裡沒有正義,只有仆街,最憎就係嗰啲扮正義嘅仆街!」 

回顧雨傘革命七十幾日,當初用盡奶力左右群眾抗爭升級,不斷叫人散水、不斷叫人撤、不斷將個運動降級嘅,就係你哋呢一班「假抗爭真做show」嘅政棍。 

當中例子多不勝數,如929「佔中」廿二粒鐘宣佈結束、103學聯呼籲人唔好去旺角支援對抗黑社會、1013無啦啦出咗個「大聯盟」話要釋出善意用金鐘道換公民廣場、1014龍和道一役「糾察」叫人唔好增援、1021「佔中」話要搞咩廣場投票要取得共識撤退,但1028戴耀廷和陳健民就話「要回校教書」、 1119人力做埋差佬嗰份篤灰出賣示威者、123佔O三子呼籲示威者是「愛與和平」就去自首…… 

上面每一個動作,全部既效果都係幫政府拆彈、減少麻煩。好嘞,到你哋求仁得仁,成班殖民主派和佔O三子話爭取到政府提交「報告」,就要「見好就收」!結果而家政府交咗報告啦,你哋見份報告過咗你一戙,廢話連篇,你哋又走出來吠話政府「強姦民意」。 

一直一直以來,強姦民意、扭曲民意嘅就係你哋呢班「扮正義嘅仆街」! 政府呢份「民情報告」最錯嘅,就係無將你哋呢班人出賣香港人、搞散抗爭運動的歷史,用納稅人嘅資源,以官方嘅渠道記錄落來,將你哋呢班「扮正義嘅仆街」的惡行流傳後世!









沒有留言:

張貼留言