【旺角騷亂】譚耀宗：與六七暴動不同 港英政府高壓激發民族仇恨

【旺角騷亂】譚耀宗：與六七暴動不同 港英政府高壓激發民族仇恨


旺角年初一晚至年初二凌晨發生激烈警民衝突，特首梁振英將事件定性為「暴亂」，有人亦將六七暴動相提並論。民建聯立法會議員譚耀宗今早在電台節目指，六七暴動時，自己只有十多歲，未有參與事件，但當時亦很關心，當年最初是勞資糾紛，後來事件升溫，「港英政府用高壓手段，激發民族情緒仇恨，但依家唔係，依家一國兩制，港人治港，高度自治，而且依家嘅高壓同當年係有天壤之別，當年事實上左派好多嘢被打壓」。

譚耀宗舉例指當年工聯會申請場地舉行活動都不獲批，但被反問現時有些團體申請場地亦被拒，譚回應說：「我諗好唔同，唔批時係好......呀.......即係話畀你聽發生咩事，解釋畀你聽，但當年唔係咁，唔使解釋，唔可以同日而語。」

譚耀宗認為自佔中後，社會激烈想法更嚴重，社會矛盾引致產生很多仇恨，十分危險。他又說，年輕人會被人引導到武力抗爭，即使犯事後，因背後有律師免費支援，令他們覺得毋須付出代價，「而且佢哋覺得做呢啲行為好威水」，亦有挑戰政府及權威的自豪感。