暴亂後的旺角

暴亂後的旺角

Leo 詹志文


今日整日真人耳仔去聽身邊嘅人點樣去評呢場《魚蛋革命》：
1. 親友1：用磚頭咁狼死。
2. 親友2：好大鑊！燒車喎！做乜要咁啫？
3. 親友3：人哋警察叫你行開你咪行開囉。
4. 朋友1：呢個已經唔係我熟悉嘅香港。
5. 朋友2：我識嘅香港人，唔會掟磚。
6. 朋友3：咁攪落去，睇嚟遲啲一定有人死。
7. 侍應1：警察Fair咗兩槍，就俾人圍，好𤓓。
8. 路人1：警察傷90人，咁示威者呢？

睇嚟，大家都係只睇表面。到底《魚蛋革命》背後代表咗啲乜？反映咗啲乜？其實大家都唔係好關心。其實呢個反應唔奇，我一直覺得香港人由細到大都係接受一種規律教育。即係學生要守校規，冬季幾熱都要著件校褸返學，因為呢個係校規，唔好因為你自己嘅感覺去懷疑校規，幾熱都好，唔著校褸就係唔啱。今日睇電視新聞、電台報導不斷講述暴徒惡行，而掟磚、放火係唔啱已經成為我哋呢啲規律教育香港人嘅必然答案。當然，呢啲行為好激，好值得譴責，但係大家好似冇諗，點解會出現呢啲情景？點解會去到咁過火？真係只係魚蛋引發？和平示威、靜坐，政府多次唔聽，強行通過議案已成慣例，其實呢啲網上大把人已經講過，我重覆，係因為我要重覆話俾人知，今次事件背後嘅重要訊息：政府真係好pk！

本來是人來人往的旺角，經過今晨的暴亂後，充斥了滿目瘡痍的畫面。在衝突爆發最劇烈的西洋菜南街一帶，在今

https://hk.news.yahoo.com/video/暴亂過後-旺角-片肅寂-095106602.html