梁天琦：獲得逾6.6萬票證主流唔係大晒

梁天琦：獲得逾6.6萬票證主流唔係大晒 

本土民主前線梁天琦在立法會新界東補選中獲得逾6.6萬票，比有多年從政經驗的新思維黃成智和西貢區議員方國珊所得票數加起來更多，但梁天琦坦言對結果不滿意，「走出嚟參選始終想贏議席，呢排網上、現實世界香港人有好多期望同希望擺咗喺我哋身上，今日贏唔到議席，係辜負咗佢哋。」

對於自己得票在7名候選人中排第三，梁天琦認為是對特區政府一個警示，「人民唔會害怕呢個政府，政府應該害怕人民，無論政府點打壓，我哋會反抗到底。」他指過往政府、政黨政客，甚至是主流傳媒都形容本土派是「暴徒」，「今日我哋攞到6.6萬人授權，證實主流絕對唔係大晒。」

至於9月會否捲土重來參選立法會選舉，梁天琦就稱要和其他本土派協調是否會有更好的人選參選，但他不會「走咗去」，會留在新界東服務居民，自己亦稱希望「進修吓、讀返書」。他強調，本土派9月將整裝待發進軍政治圈，「希望以後係三軸鼎立，唔再係只得泛民、建制」。被問會否和泛民協調出選，他就指本土派與泛民的政治理念不同，反問「泛民會唔會同建制協調、攞更多議席？各自做更多工作啦！」

有記者追問梁天琦有何說話想告訴特首梁振英，他即稱「我無嘢想同佢講」，並解釋本土派並非針對梁振英，因為對方只是中央政府的傀儡，「應該針對佢背後嘅政權。」他離開新聞中心後，在中心外答其支持者，又指自己稍後會去謝票，但未決定好行程。