制服地圖 2015台灣最美校服

制服地圖 2015台灣最美校服

「那些年錯過的~~~那些年錯過的愛情~~~」你知道點解男人都咁鍾意校服嗎？就係因為校服係象徵住我哋嘅青春歲月，而青春歲月多少都係有啲遺憾、點都有啲嘢係錯過咗。而為咗彌補(if not腦補)呢個遺憾，我哋將感情投放哂落件校服度…所以鍾意校服嘅男人，其實都有一個灰暗嘅青春……又或者，純粹係因為啲校服真係幾靚。 不過大部份香港學校嘅校服其實都幾平凡，遠遠不及對面海嘅台灣咁多姿多彩。但我又冇理由特登飛去台灣睇校服架？咁呢個名為「制服地圖」嘅網就啱哂你啦！
呢個網其實就係以地圖形式收集咗大量台灣國、高中嘅(女子)校服圖片，等一班同好者可以按圖索驥、欣賞校服之美。之但係面對住一張台灣地圖，你又點知邊間學校嘅校服值得你去睇？好在佢哋每年都會舉行一個「高校制服大賞」，近期仲公佈埋2015畢業季嘅結果。咪做個參考囉！
第10位：北一女中 台灣首屈一指嘅女子中學、全名為「台北市立身一女子高級中學」，歷年來出過N個政商文藝名人。翠綠色校服老遠就能認出。
第9位：私立明德高中 位於台中市嘅私立中學。睇到啲相，我只能夠講投票嘅人真係好客觀咁睇緊件校服，完全冇畀其他嘢迷惑。
第8位：私立聖功女中 全稱「天主教聖功學校財團法人臺南市天主教聖功女子高級中學」，係一間包括國中同高中嘅「完全中學」
第7位：私立穀保家商 雖然個名睇落好似一間糧油店，但其實係一間位於三重市嘅私立高職(類似香港嘅職業先修學校)。其中有「時尚造型」、「多媒體設計」、「商業經營」等學科。
第6位：景美女中 「台北市公立三大女校」、「台北市六大傳統名校」，位於好山好水嘅「木柵」。
第5位：彰化藝術高中 台灣第一所縣立藝術高中。校服係極少見嘅卡其色軍裝恤衫。
第4位：私立南英商工 位於台南嘅高職學校。除咗校服出名，歷年黎亦培育出唔少台灣職棒人材。
第3位：私立慈幼工商 另一間位於台南嘅高職學校。主要科目有電機、汽車、電子商務同烘焙科。聽起黎係一間陽氣好～～～重嘅學校。
第2位：家齊女中 原本為「臺南商業補習學校」之「女子家事專科」，經過多年改革，終成為「台南三大優質高職」之一。又有分高中部與高職部，除某部份高職班外，基本上全為女子班。點解我覺得呢個明明係《監獄學園》嘅劇情……
第1位：私立高苑工商 位於高雄嘅高職。夏季校服係淺藍短袖恤衫配黑色大格仔裙，冬季就係淺藍色長袖恤衫配綠短裙再加綠色背心冷衫。其實又唔係好特別啫……