粵語淵源

粵語淵源

 jyut6 jyu5 jyun1 jyun4

粵語 jyut6 jyu5，又叫做〔廣東話〕、〔廣府話〕，兩廣〔廣東、廣西〕嘅當地人就習慣講〔白話〕，即係兩廣地區嘅〔通話〕。喺外國嘅華人就叫做〔唐話〕。有專家就將粵語歸類喺漢藏語系漢語族嘅聲調語言。粵語主要使用喺廣東、香港、澳門、廣西、海南等地方。喺東南亞嘅新加坡、馬來西亞、越南、印尼等，同北美嘅美國、加拿大，歐洲同澳洲、紐西蘭、聖誕島等等嘅華人社區使用最多嘅一種漢語，估計全球用粵語來做母語嘅人口約有 1.2 億人。

粵語呢個名係起源於秦人趙陀喺古代嶺南地域所建立嘅第一個國家〔南越國〕，《漢書》寫做〔南粵國〕；簡稱〔南越〕或〔南粵〕；古代嘅「粵」同「越」係互通字，當時佢哋以〔廣信〕來做嶺南地區嘅政治、經濟同文化嘅中心，係嶺南文化同粵語嘅最早發揚地。

廣義上嘅〔廣東話〕係指廣東地區內嘅語方言，即係廣東當地嘅通用語言，包括：粵語〔廣府話〕、潮語〔潮州話〕、客語〔客家話〕。狹義上嘅〔廣東話〕就係特指〔廣州話〕，亦係今日我哋喺粵語電影裡面聽到嘅〔粵語〕。而將粵語稱做〔廣東話〕，亦係香港人常用嘅叫法，喺其他地區會稱粵語做〔廣府話〕或〔廣州話〕。

廣義上嘅〔廣東話 gwong2 dung1 waa6〕係包括：
．粵語〔廣府話〕：又叫〔廣州話、省府話、白話、唐話〕；
　　　　　　　　　主要分佈喺珠江三角洲同埋粵西地區；
　　　　　　　　　估計全球約有 1.2 億人使用粵語。
．潮語〔潮州話〕：又叫〔潮州話、潮汕話〕，係〔閩南話〕嘅分支；
　　　　　　　　　主要分佈喺原潮州府嘅汕頭市、潮州市、揭陽市；
　　　　　　　　　估計全球約有 8 千萬人使用閩潮語。
．客語〔客家話〕：又叫〔粵東話、涯話、土廣東話〕；
　　　　　　　　　主要分佈喺粵東、粵西同埋粵北地區；
　　　　　　　　　估計全球約有 5 千萬人使用客語。

百越民族 baak3 jyut6 man4 zuk6
百越族，係亞洲南部一個古老嘅民族群體，佢哋分布喺：
．大陸嘅〔壯、侗、傣、布依、仫佬、毛南、黎〕等七個民族
．越南嘅〔岱、儂、泰、布依、熱依、高欄〕等六個民族

佢地都可以視為係〔壯侗民族〕，而下面呢啲族群又叫做〔傣泰民族〕：
．大陸嘅〔傣族〕
．寮國嘅〔佬、普泰、泐、潤、央、賽克〕
．泰國嘅〔泰族〕
．越南嘅〔泰族〕
．馬來西亞〔泰族、佬族〕
．柬埔寨嘅〔泰族、佬族〕
．緬甸嘅〔撣族〕
．印度嘅〔阿豪姆人〕阿薩姆邦

上面嘅八個國家都係同源異流嘅民族，同古代百越民族有著好深厚嘅歷史親緣關係。以〔百越〕為主體發展而來嘅民族主要係〔壯侗語族〕嘅各個民族，語言分有：
．壯語　〔廣西、雲南、廣東〕
．布依語〔貴州〕
．傣語　〔雲南〕
．侗語　〔湖南、貴州、廣西〕
．水語　〔貴州〕
．仫佬語〔廣西〕
．毛南語〔廣西〕
．黎語　〔海南島〕
．泰語　〔泰國〕
．寮語　〔緬甸東北部〕
．撣語　〔緬甸東北部〕
．黑泰語〔越南西北部〕
．白泰語〔越南西北部〕
．儂語　〔越南東北部〕
．岱語　〔越南東北部〕
．土語　〔越南北部〕
．阿含語〔印度阿薩姆邦〕

語言學家又將〔壯侗語族〕叫做〔侗台語族〕，仲劃分為兩個語支、五個語群，即係；
台語支分為：
．北部語群．壯語北部方言、布依語同分布喺泰國北部嘅石語
．中部語群．壯語南部方言、越南東北部嘅儂岱語等
．西南語群．泰語、寮語、撣語、阿含語
　　　　　　越南西北部嘅黑泰白泰紅泰語
　　　　　　雲南傣語
侗水語支分為：
．侗語群．侗語、仫佬語
．水語群．水語、毛南語

而語言學家嘅結論，就係分布喺大陸南方同中南半島嘅眾多民族喺語言文化上嘅共性係巨大嘅，同樣表明咗呢啲民族之間有著好深厚嘅歷史親緣關係。

編：廣東話資料館及版友聯合修正
資：中國歷史．漢語．維基百科
　　中國歷史座標尺．2007年
　　香港粵語的前世今生．港語學
　　廣東話資料館專家版友

〔圖：蕭南仁．2016年〕
〔粵語淵源．廣東話資料館〕

1）陰平聲　　　　因　　　　分　　　　詩

2）陰上聲　　　　忍　　　　粉　　　　史

3）陰去聲　　　　印　　　　訓　　　　試

4）陽平聲　　　　人　　　　焚　　　　時

5）陽上聲　　　　引　　　　憤　　　　市

6）陽去聲　　　　刃　　　　份　　　　事

7）陰入聲　　　　壹　　　　忽　　　　～

8）中入聲　　　　～　　　　～　　　　屑

9）陽入聲