2016年3月3日 星期四

薯蛋頭先生Café



Mr. Potato Head Café by Izumi Curry
地址:尖沙咀彌敦道118號Mira Mall 1樓110號鋪 (即美麗華商場對面)
電話:3104 1904
營業時間:11:30am-10:00pm (最後落單時間9:30pm)

地址:屯門屯門鄉事會路83號V City商場1樓9號舖
電話:3104 1904
營業時間:11:30am-10:00pm (最後落單時間9:30pm)



薯蛋頭先生Café

po04
因為今個月先新開張,所以呢個7月嘅逢星期六、日都會有薯蛋頭先生抱抱會。
《Toy Story》入面嘅玩具角色各有人追捧,當第一眼看見薯蛋頭先生(Mr. Potato Head)時,你未必會鍾意佢,但睇睇下會覺得佢傻得好可愛,最搞笑係成日跌晒啲眼耳鼻,而且佢仲係一個好老公,好愛薯蛋頭太太(Mrs. Potato Head),所以好受粉絲愛戴。7月頭Izumi Curry就將屯門V City同尖沙咀Mira Mall分店改裝成Mr. Potato Head Café,薯仔加咖喱,簡直係絕妙的組合。
po03
每張枱都有薯蛋頭夫婦公仔。
po01
每個卡位都用薯蛋頭簾隔開。
cafe內隨處可見薯蛋頭先生嘅蹤影,當然仲有佢啲眼、耳、鼻,好搞笑!除咗布置同墊枱紙有薯蛋頭先生嘅嘜頭,每枱都會擺放由日本直送嘅薯蛋頭夫婦公仔,大家可以一邊食一邊同佢哋selfie,唔駛等隔離枱影完先到你。cafe限食90分鐘,由於仲係新開張嘅關係,日日都好多人去食,所以大家想唔駛等咁耐就記得早啲去喇!
po02
等緊位都唔驚冇嘢做,因為cafe外有賣薯蛋頭先生嘅精品,可以去睇下有咩啱買。小編個人覺得個 iphone 6 case好靚。
po12
張餐枱紙超靚,好想keep番張?夠膽就試下問店員肯唔肯俾多張你。
睇睇Café個餐牌,都有唔少選擇,仲要好多都有薯蛋頭先生嘅樣,啲眼耳鼻係用蔬菜、火腿等造成,如果你好想自己郁手整薯蛋頭先生個樣,就唔好錯過期間限定嘅「朱古力醬熱香餅配橙汁」,佢會附送枝裝朱古力醬,可以俾你自己DIY唧薯蛋頭個樣,邊玩邊食,大人細路都啱!
po09
朱古力醬熱香餅配橙汁 $69
po08
朱古力醬味道淡口,即使小朋友狂唧都冇問題。
po05
奄列牛肉咖哩飯 $109
po07
薯蛋頭造型原味蛋糕,另有朱古力味。 $69
po06
唔想齋食咖喱,呢個「巨型漢堡薯角套餐」就啱晒! $99
po10
(左)自家製芝士牛肉薯餅飯;(右) 吉列豬扒飯,兩款均可選咖喱汁或燒汁。各$129
po11
呢個「薯蛋頭先生限定版掛飾」只要喺埋單時,Like Izumi Curry個fan page,就可以拎到一個,每枱只限拎一個,而且數量有限,送完即止!





Flag Counter










【尖沙咀】 香城茶室


香城茶室
地址:尖沙咀漆咸道南100號香港歷史博物館1樓
電話:24123155
營業時間:星期一、星期三至五10am-6pm,星期六、日及公眾假期10am-7pm
付款方式:現金及信用卡,免收加一
前往方法:港鐵紅磡站D1出口



【尖沙咀】 香城茶室

香城茶室01
到博物館除了參觀展覽,還可以品嚐懷舊味道,說的是尖沙咀香城茶室,它藏於香港歷史博物館1樓內,是扶康會的社企餐廳,以自負盈虧方式營運,可容納逾百位顧客。
香城茶室03
香城茶室05
餐廳設有多個卡座,分冰室和茶樓兩邊,位置寬敞舒適,並以老香港為主題,配以懷舊裝修,部分擺設更是由博物館借出,歷史味濃郁。食物方面,充滿昔日地道香港味,有港式、中西式美食,包括紅豆冰、粒粒西多、雞髀薯條、即蒸點心、絲滑奶茶、秘製羅宋湯等,款款色香味俱佳。享受食物、感受懷舊的同時,順手撐社企,一舉兩得。
香城茶室
菠蘿油 $19、紅豆涼粉冰$24。
香城茶室02


撰文:Heidi Lau
攝影:相關餐廳facebook、新假期








Flag Counter





【尖沙咀】 巴黎冰室


巴黎冰室
地址:尖沙咀寶勒巷27號地舖
電話:2316 2015
營業時間:7am-9pm
付款方式:現金
前往方法:港鐵尖東站N2/P3出口



【尖沙咀】 巴黎冰室

巴黎冰室01
餐廳以昔日冰室的綠色格仔地磚、白色木製卡位傢俬,走懷舊式裝潢。
今年3月在尖沙咀開張的巴黎冰室,重現七、八十年代富人情味的香港情懷。裝潢由海報、鐵皮信箱到舊式屋邨升降機手動門也有,感覺像坐時光 機回到以前。
巴黎冰室06
魚子醬溫泉蛋多士配沙律
巴黎冰室03
招牌沙爹牛肉飽
巴黎冰室04
食物方面都充滿懷舊味道,如多士、豬扒包、黑牛、忌廉溝鮮奶等,部分食物也加以改良,以迎合現代人口味,如以韓國薯仔麵替公仔麵,加入煙肉碎、溫泉蛋及金磚,超級美味,另外一樣不得不試的是紅豆金磚,在厚多士中釀入粒粒紅豆,食落甜而不膩,但由於製作需時,所以限量發售,想食就要趁早去喇!
巴黎冰室08
粟米芝士撈薯仔麵 $56
巴黎冰室05
紅豆金磚 $43
巴黎冰室07
(左) 足三吋厚蛋治 $29 (右) 紅豆冰 $26








撰文:Heidi Lau
攝影:相關餐廳facebook、新假期









Flag Counter





【炮台山】 萬歲



萬歲
地址:炮台山宏安道2-12號宏暉大廈地下9號舖
電話:3105 9681
營業時間:12:30pm–8:30pm
付款方式:現金及八達通,免收加一
前往方法:




【炮台山】 萬歲

萬歲09
萬歲舖頭細細,由店面裝潢到枱椅,用具到擺設都有濃濃的懷舊味。店內的牆上貼滿不同的漫畫,如玉郎漫畫、中華英雄、老夫子等,店內有任天堂紅白機任打,有多款懷舊遊戲,如食鬼、孖寶兄弟、俄羅斯方塊、泡泡龍等。
萬歲07
牆身貼滿港漫。
萬歲06
飛行棋摺椅和康樂棋餐紙。
萬歲02
任天堂紅白機
食物方面,萬歲主打車仔麵,材料用上雙喜粉麵廠麵餅、元朗陳皮魚蛋,還有每日鮮制的酸齋及咖哩魷,全部都是當年熟悉的味道。飲品方面十分驚喜,因店內竟有在香港消失已久的綠寶支裝橙汁,原來是店長由原產地泰國運回來的。
萬歲01
萬歲車仔麵,配料由$6 – $15不等
萬歲
有在香港消失已久的綠寶支裝橙汁,$13一支,跟餐$10。
萬歲03
店長珍藏
萬歲05
扭蛋機是舊式的鐵架扭蛋機,只需要十元,就可以扭到兩個圖案不同的襟章,而且更有機會扭到「再來一支!」等等的優惠。
萬歲04

撰文:Heidi Lau
攝影:相關餐廳facebook、新假期






Flag Counter





【元朗】 老馮茶居



老馮茶居
地址:元朗大棠路66號地舖
電話:2659 8826
營業時間:9am–11pm
付款方式:只收現金,免收加一
前往方法:港鐵元朗站C出口


【元朗】 老馮茶居

老馮茶居01
茶居以懷舊香港作主題,左邊冰室卡座,右邊大牌檔圓檯摺凳,放滿店主搜羅的舊時商舖士多用品。
茶居是八十年代以前的舊式茶樓,最近在元朗市中心開業的「老馮茶居」,裝修是舊香港風格,混合冰室卡位和大牌檔摺檯凳,再加上舊式公屋邨和商店舊物,年過三四十者睇見都必定會心微笑。
老馮茶居02
店不大勝在樓底高,左邊冰室卡座十多個,閣樓的更設計成舊式公屋走廊,鐵閘和碌架床都是店主的兒時回憶。
裝潢主題是三十歲店主馮文傑的主意,點心由店主父親馮耀榮主理,他曾在北角老字號茶樓鳳城工作多年,點心都以懷舊風味為主,不單款式傳統,做法也依足古法,例如古法千層糕,加入冰肉分兩次蒸製,繁複花時間,坊間罕見。還有山竹牛肉和牛肉腸粉,採用舊時流行的「大細窿」牛肉,即用上兩種粗幼度的攪碎牛肉,軟滑中有粒粒牛肉質感。點心店唔少得蒸飯,不用不鏽鋼盅而改用上缽仔去蒸,令飯受熱均勻,粒粒企身,配以蝦醬腩仔或魷魚,十足舊時風味。
老馮茶居12
古法千層糕,加入冰肉(肥豬肉),混合糖冬瓜、鹹蛋黃和牛油等蒸好,冷藏後再加上一層薄包蒸,甜美油潤帶絲絲椰香。花工夫心機之作,坊間少見。$18
老馮茶居09
香滑叉燒腸,米漿腸粉即點即拉,呈半透明是舊式做法,質感柔軟中見實淨。$22
老馮茶居04
古法牛肉球,牛肉球分別打成粗幼兩種,再加入馬蹄粒和芫荽混合打成,質感軟滑之餘亦有牛肉咬口。$20
老馮茶居08
蝦醬蒸腩仔,以砵仔蒸飯,飯粒粒乾身爽口,面層豬腩肉先用蝦醬和酒炒香再蒸,送飯一流。$36

老馮茶居05
咖喱蒸魷魚,自家炒製的咖喱又香又辣,蒸土魷吸晒汁,好惹味。$18
老馮茶居07
鮮蝦腐皮卷,腐皮包住全蝦肉,皮脆、蝦肉爽口。$25
老馮茶居06
沙嗲豬大腸,大腸蒸得爽口,沙嗲味濃郁,是九十年代的街頭風味。$20
老馮茶居11
鵪鶉蛋燒賣皇,鵪鶉蛋先蒸至半熟,再連同燒賣一齊蒸,令鵪鶉蛋不會過熟,食落質感更佳。$28
老馮茶居13
老馮鮮蝦餃,蝦餃皮並非十分透薄,是用澄麵和生粉搓成,包住蝦、肥豬肉及筍做餡,由裏到外都是舊式做法。$28/ 四隻
老馮茶居10
收銀檯模仿舊時掌櫃格局。











Flag Counter