蒲台島一日遊

蒲台島是香港的南極，蒲台島給人天崖海角的感覺，尤其是登上香港最南端的最高點－蒲台島1.2.6燈塔，真係amusing﹗豪一點，可以吃頓海鮮餐，地道一點，可以吃碗馳名炭燒紫菜餐蛋麵或海帶綠豆沙。蒲台島上還有很多奇岩怪石，仲可以露營觀星。原來蒲台島又是山系人最喜歡的－美景美食地質之旅﹗

前往蒲台島交通

由赤柱卜公碼頭搭船到蒲台島，乘翠華船務的街渡，船程只需30分鐘。由赤柱前往蒲台島的船只在星期六、日及公眾假期開放，而者班次疏，又有機會很多人，所以最好早點到碼頭，如果船滿了，就要等下一班了。

遊蒲台島路線

到達蒲台島碼頭，先會看到長期駐守的小食檔，婆婆賣蒲台島特產及零食，立即感受到小島風情。其實遊蒲台島，可以環島一個圈，亦可以輕輕鬆鬆食下嘢、睇下岩石，然後回程。先睇睇地園，認識一下個地理形勢先。

碼頭附近的石上，有人寫上主要景點的方向，哦！原來係坤記！我們就跟住方向，由碼頭向右走。

有個位置可以行落去，原來是香港法定古蹟 - 蒲台石刻，聽講有千年歷史，神秘的圖案符號，古代人想表達啲咩呢？

蒲台島的郊野徑有一條天橋，等遊人唔洗攀石而過，真細心﹗

繼續行，就會見到第一舊奇型石 - 佛手岩。數下有幾多隻手指先！

白色的燈塔 (126燈塔)，應該是香港最南最高的地方，在藍天白雲的襯托下，是一幅超美的圖畫。這裡亦是露營及觀星勝地。

離開白色燈塔，很快就會看到第二舊怪石 - 靈龜上山，又真係幾似喎，仲有隻眼添﹗

緊接烏龜石之後，第三舊看到的奇岩，就是僧人石。有個頭，有個身，應該是一個著和尚袍，低著頭去化緣的僧人。

看完石之後就可以繼續登山，走到觀日亭，休息一下，欣賞壯麗的景色。

喺時候回程了，因為要預留時間品嚐地道美食，甚至吃餐海鮮餐。蒲台島盛產紫菜，很多地道食物都有紫菜。行到身水身汗，可以先在坤記士多吃碗冰凍海帶綠豆沙，降降溫先。

坤記士多－海帶綠豆沙

跟著可以到何記士多吃碗炭燒紫菜餐蛋麵，咁就夠晒飽肚。唔好唔記得買返包紫菜做手信。

何記士多－炭燒紫菜公仔麵

如果時間許可，可以到蒲台島唯一的海鮮酒家 - 明記海鮮酒家食餐海鮮餐。建議到達時，先吃了士多美食當午餐，行完山回程再食海鮮，咁就一次過滿足晒所有願望啦！

資料及圖片來源：互聯網