名模教練3分鐘減肚腩法

新年吃過團年飯、開年飯，再加拜年時狂吃大堆蘿蔔糕、糖果、瓜子等小食，食到肚皮脹卜卜？

趕緊跟名模級XYZ單車健身教練Angie Ng(伍靜麗)以及身兼名模及私人教練的Ting Wai(婷慧)，學快速修身運動，在年假完結前加把勁work out，回復至弗狀態。

Angie推介軀幹旋轉（Torso Twist）、坐式腹斜肌捲腹(Sitting Oblique Crunch)及Sitting Sweep這三個坐式動作，全部針對腹部，只需一張椅及一個啞鈴，簡單易學，閒時在office都做到。

Angie說：「Torso Twist，坐直直喺櫈上，手喺身前，左右twist，最重要係hip保持向前，不要跟腰部左右轉，左、右各做10下就夠。」坐式腹斜肌捲腹(Sitting Oblique Crunch)動作亦很簡單，Angie表示需要一個輕磅啞鈴，或以注滿水的水樽代替亦可：「開始時啞鈴在右方，stretch到左方，過頭嘅左方，之後crunch至右方，返去原位。」做12至15下，就換另一邊訓練。

最後一個動作Sitting Sweep都需要啞鈴輔助，雙手緊握啞鈴，記緊背、腹都保持挺直：「拎啞鈴到左方，之後掃上對角位。」如是者，再掃回至起始位置，每邊各做15下。

Angie表示食得健康都好重要，自己亦會做其他運動去配合：「最重要都係做cardio，自己鍾意indoor spinning，因為我覺得可以燃燒很多卡路里，而且可以tone up到腳、臂部、手同腹部。」