【傘運三周年】退休女懲教堅持每晚鳩嗚：我哋無放棄過
錢姨憶述，自己當年有份跟去商店拍門要求「購物」、又試過去潮聯小巴違泊位置。（王心義攝）
現時留守旺角街頭的鳩嗚團，過去三年每晚遊行和擺街站表達真普選訴求。幾乎日日駐站的錢寶芬相信鳩嗚團如火種，讓無法每日鳩嗚的朋友知道仍有同路人在身邊，「堅持係為咗保留抗爭嘅標誌」。
旺角佔領區2014年11月底被警方清場，不少市民「響應」時任特首梁振英呼籲，多到旺角佔領區「鳩嗚」（購物的普通話諧音）。三年過去，旺角「鳩嗚團」不再「鳩嗚」，但仍每晚駐紮西洋菜街，亦會聲援不同集會遊行。人稱錢姨的人民力量成員錢寶芬，幾乎從不缺席，可謂「鳩嗚團」的骨幹之一，「正係和理非，我哋先堅持到咁耐」。
她憶述，三年前有份跟大隊去商店拍門要求「購物」、又試過去潮聯小巴違泊位置，「一開始出嚟，係為咗啖氣，因為覺得被人清場唔忿氣，滿腔怒火，就針對政權刻意製造麻煩」。她說，那時警方不讓人群在馬路上聚集，一班「鳩嗚」人士就走到百老匯戲院對開的行人路上，「嗰陣《飢餓遊戲3》上映，喺咁播啲宣傳片，我哋就走晒過去睇電視，仲學套戲舉三隻手指」，自此該處更成為「鳩嗚團」的老地方。
錢姨今年57歲，本身任職懲教人員，退休後才關心政治。她爭取全民退保之時，舊同事已著她「唔好咁激進」，但她自覺爭取應有的權利，傘後更參選區議會但落敗。錢姨說，傘後不少人為了生活或工作等原因，無法晚晚落旺角通宵「鳩嗚」，現時每晚駐紮的主要為十多名退休人士，亦有少數下班後到場，風雨不改，「我哋退咗休顧忌少啲，鳩嗚團就係大家嘅connection（連繫），可能佢哋只係行過，但至少呢度可以畀佢哋感覺到原來同路人仲有好多」。她承認「鳩嗚」人士愈來愈少，但不打算放棄，「就好似一個火種咁，等香港人，甚至全世界都知道，我哋無放棄過」。
三年過去，旺角「鳩嗚團」不再「鳩嗚」，但仍每晚駐紮在西洋菜街。（黎樹雄攝 ）
錢姨指，「928」事發至今已三年，但一連串政治事件令人失望。（王心義攝）
